სულ ცოტა ხნის წინ HBO-მ სერიალ The Leftovers-ის ფინალური, მესამე სეზონის პირველი თიზერი გამოაქვეყნა.

თიზერამდე ცოტა ხნით ადრე კი გადასაღები მოედნიდან პირველი ფოტოები გავრცელდა. როგორც ცნობილია ფინალური სეზონის გადაღებები ავსტრალიაში მიმდინარეობს, რასაც საკუთარი ახსნა აქვს:

"გეოგრაფიულად ავსტრალია დედამიწის დასასრულია, ჩვენი შოუ კი მსოფლიოს ემოციურ დასასრულზეა, სწორედ ამიტომ ავარჩიეთ ავსტრალია. გარდა ამისა, გვინდოდა ეპიზოდებშიც ასახულიყო ავსტრალიის ანტიკურობა და მისი გამორჩეული სული", - ამბობს შოუს სცენარისტი დეიმონ ლინდელოფი.

მთავარი როლის შემსრულებელმა, ჯასტინ ტერუ კი საკუთარ ინსტაგრამზე კიდევ ერთ თიზერს აქვეყნებს, სადაც ვიგებთ რომ სერიალის პრემიერა 16 აპრილს შედგება.

The end is near. And we know the date. 🚬 #theleftovers @hbo

Видео опубликовано @justintheroux

სერიალში მოვლენები ადამიანების გაქრობიდან სამი წლის შემდეგ ვითარდება, დაკარგულებს გმირებად შერაცხავენ და ძეგლსაც დაუდგამენ. ადამიანების გაქრობას ყველა თავისებურად ხსნის. ადამიანურ ბუნებაზე დაკვირვების პარალელურად, მაყურებელი ცდილობს, მომხდარის რეალური ვერსია დაადგინოს და თავისებურად გაიაზროს კაცობრიობის მოსალოდნელი დასასრული.

ასე რომ, თუ ჯერ არ დაგიწყიათ სერიალის ყურება, გირჩევთ წაიკითხოთ ჩვენი სტატია, შემდეგ ჩაუჯდეთ და უყუროთ ისტორიას, რომელიც კიდევ ერთხელ დაგაფიქრებთ ცხოვრების აზრსა და ადამიანის მარტოსულობაზე.