პირველი საუნივერსიტეტო კლინიკის დირექტორის, ლევან რატიანის განცხადებით, პაციენტი ჰოპისტალიზაციას ექვემდებარება მაშინ, როცა აქვს კლინიკური გამოვლინებები.

"ინფიცირების შემთხვევაში თუ დაერთო კლინიკური გამოვლინება, ჰოსპიტალიზაციას ექვემდებარებიან ის ადამიანები, რომელთაც აქვთ ძლიერი საერთო სისუსტე, გამოხატულია 48 საათზე მეტხნიანი ცხელების ეპიზოდი, 38-ს პლუს 1 გრადუსი, სუნთქვის გაძნელება — ასეთ შემთხვევაში უნდა მიმართოს პაციენტმა ჰოსპიტალიზაციას", — აღნიშნა ლევან რატიანმა.

მისივე თქმით, ახალი კორონავირუსი არ არის სეზონური ინფექცია. აღნიშნა, რომ ესაა ინფექცია, რომელიც, შესაძლოა, სამყაროში ნებისმიერ გეოგრაფიულ ტერიტორიაზე გაჩნდეს.

6 დეკემბრის მონაცემებით, საქართველოში კორონავირუსის 4 321 ახალი შემთხვევა გამოვლინდა. გარდაიცვალა კიდევ 42 ადამიანი, ხოლო გამოჯანმრთელდა — 4 301.

პანდემიის გავრცელებიდან დღემდე საქართველოში კორონავირუსის 162 475 შემთხვევა დადასტურდა, მათგან გამოჯანმრთელდა 133 511, ხოლო გარდაიცვალა 1 504 ადამიანი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: