ლანჩხუთის მუნიციპალიტეტში, სოფელ სუფსაში, გზაზე მომხდარ ავტოავარიას ერთი ადამიანის სიცოცხლე ემსხვერპლა. არსებული ინფორმაციით, ერთმანეთს სამარშუტო და სატვირთო ავტომობილები შეეჯახა, რის შედეგადაც სამარშუტო ტაქსის მგზავრი ადგილზე გარდაიცვალა.

შსს-ს ცნობით, მომხდარზე გამოძიება სისხლის სამართლის კოდექსის 276-ე მუხლის მე-6 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.