29 ნოემბერს 2020 წლის ერთ-ერთი ყველაზე პოპულარული მინისერიალის The Undoing (განადგურება) ფინალური სერიის პრემია შედგა, რომელიც ერთი მხრივ ინტერნეტსივრცეში დიდი განხილვების საგანი გახდა, მეორე მხრივ კი სატელევიზიო კომპანია HBO-სთვის მოულოდნელი წარმატების მომტანი აღმოჩნდა.

კომპანიის ინფორმაციით, ფინალი თავის ყველა პლატფორმაც ჯამში სამ მილიონზე მეტმა ადამიანმა ნახა, რაც წინა ეპიზოდის მაჩვენებელზე 43%-ით, საპრემიერო სერიის მაყურებელთა რაოდენობაზე კი თითქმის ორჯერ მეტია.

ასევე აღსანიშნავია, რომ ამ შედეგით განადგურების ფინალი HBO-ს სერიალებს შორის ყველაზე ნახვადი ეპიზოდია დიდი პატარა ტყუილების მეორე სეზონის ფინალური სერიის შემდეგ, რომელსაც 3,1 მილიონმა ადამიანმა უყურა.

ის ასევე HBO-ს პირველი სერიალი გახდა, რომელის პოპულარობაც ყოველი ეპიზოდის შემდეგ მუდმივად იზრდებოდა.

ფოტო: HBO

ახალი მინისერიალი განადგურება ამერიკელი მწერლის, ჯინ კორელიცის 2014 წელს გამოქვეყნებული გახმაურებული ბესტსელერის, You Should Have Known-ის მიხედვით გადაიღეს.

წიგნის მსგავსად სერიალ თერაპევტ გრეის და ჯონათან ფრეიზერების შესახებ მოგვითხრობს, რომელთა ცხოვრებაშიც მოულოდნელად ერთმანეთზე უფრო შოკის მომგვრელი მოვლენები ვითარდება. სერიალში ამ მთავარი გმირების როლს ჰოლივუდის კაშკაშა ვარსკვლავები, ნიკოლ კიდმანი და ჰიუ გრანტი ასრულებენ.