ქუთაისის მერია 9 აპრილის ქუჩაძე "მზეჭაბუკის" ძეგლის მოსაწყობად ტენდერს აცხადებს, რომლის ოდენობა 98 699 ლარია. ტენდერი 27 ნოემბერს გამოცხადდა და წინადადებების მიღება 14 დეკემბერს სრულდება. სამუშაოები ხელშეკრულების დადებინად 60 დღეში უნდა განხორციელდეს.

ესკიზის მიხედვით, "მზეჭაბუკი" ახალი ძეგლი ანალოგია იმ ძეგლისა, რომელიც მერაბ ბერძენიშვილის მიერ შესრულებული "დიდების მემორიალის" ნაწილი იყო. მემორიალი მეორე მსოფლიო ომის დროს დაღუპულებს ეძღვნებოდა და ის ქუთაისის პარლამენტის მშენებლობისთვის 2009 წლის დეკემბერში ააფეთქეს, ხოლო "მზეჭაბუკის" ძეგლი მანამდე აიღეს. მემორიალის აფეთქების შედეგად დედა-შვილი დაიღუპა.

ფოტო: ქუთაისის მერია