აჭარის მთავრობის სახლთან მიმდინარე აქციაზე ორი პირი დააკავეს. შსს-ს ინფრმაციით, მათ ადმინისტრაციულ სამართალდარღვევათა კოდექსის 173-ე და 166-ე მუხლების დარღვევას ედავებიან, რაც, შესაბამისად, სამართალდამცველის მოთხოვნაზე დაუმორჩილებლობას და წვრილმან ხულიგნობას გულისხმობს.

მთავრობის სხდომის მიმდინარეობის პარალელურად, აქციის მონაწილეები მთავრობის თავმჯდომარესთან, თორნიკე რიჟვძესთან შეხვედრას ითხოვენ.

"მონებო" — სკანდირებენ აქციის მონაწილეები. მედიაში გავრცელებულ კადრებში ჩანს, რომ აჭარის მთავრობის სახლს ათობით პოლიციელი იცავს.