პოლიციამ თბილისში, ალექსანდრე ყაზბეგის გამზირზე მდებარე ავერსის აფთიაქში მომხდარ ინციდენტზე ერთი პირი დააკავა. არსებული ინფორმაციით, აფთიაქში ორი პირი, ერთი სრულწლოვანი და ერთი არასრულწლოვანი, წამლის საყიდლად მივიდა, რომელიც რეცეპტის გარეშე არ გაიცემოდა. ფარმაცეფტის მიერ უარის თქმის შემდეგ კი ერთმა, სავარაუდოდ, თანამშრომელს იარაღი აჩვენა.

საპატრულო პოლიციის დეპარტამენტში აცხადებენ, რომ მომხდარზე გამოძიება სავარაუდო ცეცხლსასროლი იარაღის უკანონო შეძენა-შენახვის საქმეზე სისხლის სამართლის კოდექსის 236-ე მუხლის მე-3 და მე-4 ნაწილებით დაიწყო.

უწყების ცნობით, დაინიშნება ექსპერტიზა, ჩატარდება საგამოძიებო მოქმედებები და საქმეს მსვლელობა ამის შემდეგ მიეცემა.