საქართველოს პრემიერმინისტრის, გიორგი გახარიას განცხადებით, იმ ობიექტებისთვის, რომლებიც შეზღუდვების გამო დაიხურება, სესხის გადავადებაში დაეხმარებიან. ამის შესახებ მან საკოორდინაციო სხდომის დასრულების შემდეგ გამართულ ბრიფინგზე განაცხადა.

"სესხების გადავადება იმ ობიექტებში, რომლებსაც ჩვენ ახლა გავაჩერებთ, იქნება პრინციპულად მნიშვნელოვანი სახელმწიფოსთვის და ჩვენ თითოეულ ინდ. მეწარმეს ან ფიზიკურ პირს, რომელსაც ასეთი დახმარების საჭიროება ექნება, დავეხმარებით", — განაცხადა გახარიამ.

გაიგეთ მეტი ახალ შეზღუდვებზე:

25 ნოემბერს საქართველოში კორონავირუსის 3 071 ახალი შემთხვევა დადასტურდა, გამოჯანმრთელდა — 3 366 , გარდაიცვალა — 34. ქვეყანაში პანდემიის გავრცელებიდან დღემდე დადასტურდა 114 889 შემთხვევა, საიდანაც გამოჯანმრთელდა 95 581-მდე და გარდაიცვალა 1 085.

ეპიდემიოლოგები და სამთავრობო გუნდის წევრები ამბობდნენ, რომ ვირუსის პრევენციისთვის შეზღუდვები აუცილებელია, თუმცა სრული "ლოქდაუნი" ქვეყნის ეკონომიკას დააზარალებს, ამიტომ ეტაპობრივად, წერტილოვანი შეზღუდვები დაწესდება.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: