დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ეროვნული ცენტრის ხელმძღვანელის მოადგილის, პაატა იმნაძის თქმით, ხვალ საკოორდინაციო საბჭო არა მხოლოდ შეზღუდვებს გამოაცხადებს, არამედ წარდგენილი იქნება 2 თვის სამოქმედო გეგმაც. ამის შესახებ იმნაძემ ფორმულას ეთერში ისაუბრა.

"დაველოდოთ ხვალინდელ დღეს, როცა ზუსტად გამოცხადდება ის შეზღუდვები, თუ რომელ სექტორებს შეეხება ისინი. ეს არის არა მხოლოდ შეზღუდვები, არამედ გარკვეული გეგმა, მომავალი ორი თვის მანძილზე როგორ უნდა იცხოვროს ქვეყანამ", — განაცხადა იმნაძემ.

25 ნოემბრის მონაცემებით, საქართველოში კორონავირუსის 3 071 ახალი შემთხვევა დადასტურდა, გამოჯანმრთელდა — 3 366 ადამიანი, გარდაიცვალა — 34.

ქვეყანაში პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 114 889-ს. ჯამში გამოჯანმრთელებულთა რაოდენობა გაიზარდა 95 581-მდე. 2020 წლის 26 თებერვლიდან დღემდე სულ გვაქვს 1 085 გარდაცვალების შემთხვევა.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: