დღეს, ტრამპის ინაუგურაციის დღეს არაერთი საპროტესტო აქცია არის დაგეგმილი, მათ შორის 100 000 ქალის მარში, რომელსაც ჰოლივუდის ვარსკვლავები შეუერთდებიან, მათ შორის: სკარლეტ იოჰანსონი, დებრა მესინგი, შერი, ქეითი პერი, პატრისია არკეტი, ჯულიანა მური, ემი შუმერი და სხვები.

ტრამპის საწინააღმდეგო აქციებს მართავენ ქალაქ ნიუ-იორკისა და მინიაპოლისის მერები, რომელსაც ჰოლივუდის მსახიობები რობერტ დე ნირო და სალი ფილდიც შეუერთდებიან.

ამის შესახებ ინფორმაცია საკუთარი ტვიტერის გვერდზე რეჟისორმა მაიკლ მურმა დაწერა.

ორგანიზატორების მოთხოვნა კი იქნება, რომ ტრამპის ადმინისტრაციამ ყურადღება მიაქციოს ისეთ მნიშვნელოვან მოვლენებს, როგორიც კლიმატის ცვლილება და ჯანდაცვაა.

აქციის ერთ-ერთი მიზეზი ისიც არის, რომ ისინი შეშფოთებულები არიან ახლადარჩეული პრეზიდენტის სამომავლო გეგმებით, რომელიც ძირითადად სხვადასხვა სოციალური ფენისადმი სიძულვილით არის გაჯერებული.

იგივე დღეს იგეგმება Greenpeace-ს, Planned Parenthood-ისა და MoveOn-ის აქციებიც, რომელსაც მარკ რუფალო, მარისა ტომეი და ალეკ ბოლდუინი შეუერთდებიან.