საქართველოს მთავრობის განცხადებით, პრემიერმინისტრთან, გიორგი გახარიასთან შეხვედრის დასრულების შემდეგ ამერიკის შეერთებული შტატების სახელმწიფო მდივანმა საქართველოს პრემიერმინისტრთან ერთად, მთავრობის ადმინისტრაციის აივნიდან თბილისის ხედები დაათვალიერა.

ფოტო: გიორგი გახარია / Facebook

აღსანიშნავია, რომ სახელმწიფო მდივანმა ქვეყანაში 24 საათიც არ დაჰყო. ის თბილისში გუშინ გვიან ღამით ჩამოფრინდა. პომპეოს დღეს დილიდან შეხვედრები ჰქონდა პრემიერმინისტრთან, პრეზიდენტთან, პატრიარქთან და მესამე სექტორთან, ამის შემდეგ კი მან ქვეყანა დატოვა და ისრაელში წავიდა.

პომპეოს შეხვედრების პარალელურად ოპოზიციამ ქვეყნის მთავარ გამზირზე მდუმარე აქცია გამართა, რისი მთავარი გზავნილიც მმართველი გუნდის მიერ არჩევნების გაყალბება და ამით გამოწვეული პროტესტი იყო.