თვითიზოლაციაში მყოფ ამომრჩევლებს დღეს, 18:00 საათამდე შეუძლიათ გადასატანი ყუთის მოთხოვნა. ამისათვის მათ უნდა მიმართონ ცესკოს საინფორმაციო ცენტრს.

"თვითიზოლაციაში მყოფმა ამომრჩევლებმა, რომლებიც შესაბამისი უწყების მონაცემთა ბაზაში ფიქსირდებიან და ტერიტორიულად იმყოფებიან იმ მაჟორიტარული საარჩევნო ოლქის საზღვრებში, სადაც არიან რეგისტრირებული, პარლამენტის არჩევნების მეორე ტურში მონაწილეობის მიზნით, გადასატანი საარჩევნო ყუთის მოთხოვნით, 15 და 16 ნოემბერს 10:00-დან 20:00 საათამდე, ხოლო 17 ნოემბერს 10:00-დან 18:00 საათამდე უნდა მიმართონ ცესკოს სატელეფონო/საინფორმაციო ცენტრს — 2 51-00-51 (0)", — წერია ცესკოს ვებგვერდზე.

საქართველოს პარლამენტის არჩევნების მეორე ტური 17 მაჟორიტარულ საარჩევნო ოლქში, 21 ნოემბერს გაიმართება. ასევე, ქუთაისში გაიმართება მერის რიგგარეშე არჩევნების მეორე ტური.

ცნობილია, რომ ოპოზიცია მეორე ტურში მონაწილეობაზე უარს ამბობს.