ერთიანი ნაციონალური მოძრაობის ერთ-ერთი ლიდერი, ნიკა მელია აცხადებს, რომ მის შტაბზე თავდასხმა რევანშისტულ-მოძალადე ხელისუფლებამ თბილისის მერთან, კახა კალაძესთან და ქართული ოცნების მაჟორიტარობის კანდიდატთან, ლევან კობიაშვილთან დაახლოებული პირების საშუალებით მოახდინა.

"როგორც საარჩევნო კანდიდატს, მქონდა რამდენიმე შტაბი. ეს არის გლდანის მე-3 მიკრო რაიონში მდებარე შტაბი. ეს არის ის მიკრო რაიონი, რომელიც დამაჯერებლად მოვიგეთ ოპოზიციამ და დავამარცხეთ კობიაშვილ-კალაძე. შედეგად მოხდა ის, რომ რევანშისტულმა-მოძალადე ხელისუფლებამ დღეს გადაწვა შტაბი", — აცხადებს მელია.

ის ასახელებს დამნაშავეს, რომელიც მისთვის "უტყუარი ინფორმაციით", ლევან კობიაშვილთან და კახა კალაძესთან მჭიდრო ურთიერთიობაში არიან, წარმოადგენენ ე.წ შავ სამყაროს.

ერთიანი ნაციონალური მოძრაობის ინფორმაციით, გამთენიისას გლდანში ნიკა მელიას შტაბზე თავდასხმა მოხდა. როგორც On.ge-ს მელიას შტაბის წევრმა განუცხადა, ოფისს ქვები და, სავარაუდოდ, ე.წ მოლოტოვის კოქტეილები ესროლეს.