დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ჯანდაცვის მინისტრის, ეკატერინე ტიკარაძის განცხადებით, დღეის მდგომარეობით საწოლფონდის მოცულობა ბევრად გაზრდილია, თუმცა პერსონალის ანაზღაურებასთან მიმართებით მიდგომა არ შეცვლილა.

"რაც შეეხება პერსონალის ბიუჯეტს, იმ პერიოდში ჩვენ ჩართული გვყავდა მხოლოდ 2 500 საწოლფონდის კლინიკები, შესაბამისად ის ბიუჯეტი დათვლილი იყო მხოლოდ 3 000 000-ზე. დღეის მდგომარეობით ჩვენ საწოლფონდის მოცულობა გვაქვს ბევრად გაზრდილი,
თუმცა მიდგომა პერსონალის ანაზღაურებასთან მიმართებაში ჩვენ არ შეგვიცვლია. ჩვენ დავთვალეთ პერსონალის საბაზრო ანაზღაურება საათობრივ ჭრილში და ეს შეეხებოდა არამხოლოდ ექიმებს, არამედ ექთნებსაც და იმ დამხმარე პერსონალს, რომელიც საავადმყოფოში საჭიროა, შესაბამისად იმ არსებული ტარიფით, რომელიც დადგენილებით არის გაწერილი, ყველა კლინიკა ვალდებულია, რომ აანაზღაუროს ექიმების, ექთნების და დამხმარე პერსონალის ხელფასები", — განაცხადა ტიკარაძემ.

საქართველოში ბოლო 24 საათის განმავლობაში გამოვლენილია ინფიცირების 3 157 ახალი შემთხვევა. ამასთან, 3 230 პირი გამოჯანმრთელდა, ხოლო 30 ადამიანი გარდაიცვალა.

პირველი ინფიცირების შემთხვევიდან დღემდე ქვეყანაში გამოვლენილი Covid-19-ის დადასტურებული შემთხვევების საერთო რაოდენობა 82 835-ს შეადგენს, საერთო ჯამში გამოჯანმრთელდა — 65 291, გარდაიცვალა — 733.

ამ ეტაპზე აქტიური ინფიცირებული შემთხვევა არის 16 785. 5 658 ადამიანი მკურნალობს საავადმყოფოში.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: