აჭარის ჟანდაცვის სამინისტროს ინფორმაციით, დღეს, დაახლოებით, 19:00 საათზე რესპუბლიკური საავადმყოფოს მესამე სართულიდან გადმოვარდა 73 წლის კოვიდ დადებითი პაციენტი.

მათი თქმით, კაცი მკურნალობას თერაპიულ განყოფილებაში გადიოდა და ამავე კლინიკის თანამშრომლის ოჯახის წევრია, რომელსაც პერიოდულად თავად მეთვალყურეობდა. უწყებაში აცხადებენ, რომ შემთხვევის მიზეზი უცნობია, ამ დროს პალატაში სხვა პირი არ იმყოფებოდა.

"ამჟამად პაციენტი მოთავსებულია რეანიმაციულ განყოფილებაში. ჩაუტარდა შესაბამისი კვლევები, დადგინდა გულ-მკერდის მიდამოში ორი ნეკნის მოტეხილობა და მუცლის ღრუში მცირედი სისხლჩაქცევები. პაციენტს უტარდება შესაბამისი სამედიცინო დახმარება", — აცახდებენ ისინი.