აზერბაიჯანში ამბობენ, რომ შემთხვევით რუსული MI-24 ტიპის ვერტმფრენი ჩამოაგდეს. საგარეო საქმეთა სამინისტროში აცხადებენ, რომ აზერბაიჯანი რუსულ მხარეს ბოდიშს უხდის. გარდა ამისა, ისინი მზად არიან კომპენსაცია გადაიხადონ.

როგორც სამინისტროში ამბობენ, ვერტმფრენი ღამე დაბალ სიმაღლეზე დაფრინავდა და აზერბაიჯანი-სომხეთის საზღვართა ახლოს იყო. საბრძოლო მზადყოფნისა და პროვოკაციების თავიდან აცილების მიზნით, საგარეო უწყებაში განმარტავენ, რომ ცეცხლის გახსნა გადაწყდა.

რამდენიმე საათის წინ რუსეთმა განაცხადა, რომ მათი ვერტმფრენი აზერბაიჯანი-სომხეთის საზღვარზე ჩამოაგდეს, რის შედეგადაც ეკიპაჟის ორი წევრი დაიღუპა, კიდევ ერთი საავადმყოფოშია გადაყვანილი. რუსეთის თავდაცვის უწყებაში ამბობენ, რომ ვერტმფრენი სომხეთში მათი სამხედრო ბაზის ავტოკოლონას მიჰყვებოდა.