საქართველოს ახალგაზრდა იურისტთა ასოციაციის განცხადებით, იმის ნაცვლად, რომ ხელისუფლება ადეკვატურად პასუხობდეს საზოგაოდების კითხვებს, მოქალაქეებს უწევთ პოლიციის პირისპირ დგომა, სიტუაცია კი რთულად სამართავი ხდება. ასევე, ისინი აცხადებენ, რომ სპეციალური საშუალებების გამოყენებას წინ უნდა უსწრებდეს შესაბამისი გაფრთხილება.

"საია შეშფოთებით აკვირდება მიმდინარე პოლიტიკურ მოვლენებს. იმის ნაცვლად, რომ ხელისუფლებამ ადეკვატურად უპასუხოს საზოგადოებაში არსებულ კითხვებს და შექმნას პოლიტიკური დიალოგის მექანიზმი, საქართველოს მოქალაქეებს უწევთ პოლიციის პირისპირ დგომა, სიტუაცია კი უფრო და უფრო რთულად სამართავი ხდება", — წერია საიას განცხადებაში.

ასევე, მათი განმარტებით, სპეციალური საშუალებების გამოყენებას წინ უნდა უსწრებდეს შესაბამისი გაფრთხილება

"საია განმარტავს რომ სპეციალური საშუალებების გამოყენებას წინ უნდა უსწრებდეს შესაბამისი გაფრთხილება, გარდა იმ შემთხვევისა, როცა დაყოვნებამ შეიძლება გამოიწვიოს მძიმე შედეგი, ან შექმნილ სიტუაციაში ასეთი გაფრთხილება გაუმართლებელია ან შეუძლებელია. პოლიცია უნდა შეეცადოს, მიყენებ ული ზიანი იყოსმინიმალური და თა ნაზომიერი", — წერია საიას განცხადებაში.

მათივე თქმით, ქვეყანაში არსებული ეპიდემიოლოგიური გამოწვევების ფონზე, წყლის ჭავლის გამოყენება აქციის მონაწილეების მიმართ გაუმართლებელია.

"საია მიიჩნევს, რომ მოქალაქეებს უნდა მიეცეთ მშვიდობიანი პროტესტის გამოხატვის შესაძლებლობა. ღრმად გვწამს, რომ პოლიტიკური კრიზისები ძალის გამოყენებით არ უნდა წყდებოდეს, არამედ კონსენსუსით და შეთანხმებით. კრიზისების მართვა, რთულ ვითარებაში გამოსავლის ძიება და საზოგადოებაზე ზრუნვა პოლიტიკოსების მთავარი დანიშნულებაა, ხელისუფლებას კი ამ პროცესში განსაკუთრებული პასუხისმგებლობა ეკისრება", — წერია განცხადებაში.