რუსთაველის გამზირზე, სადაც ამ წუთებში ოპოზიციის საპროტესტო აქცია მიმდინარეობს, ინტერნეტი ხარვეზით მუშაობს. როგორც ადგილიდან On.ge-ს ჟურნალისტები იტყობინებიან პრობლემა აქვს ყველა მობილური ოპერატორის ინტერენეტს.

მთავარი არხის განცხადებით, ისინი ვერ ახერხებენ დრონების გაშვებას, რადგან ადგილზე ახშობენ GPS სიგნალს.

ტრიბუნიდან ევროპული საქართველოს ლიდერმა, ელენე ხოშტარიამ და დავით ბაქრაძემ განაცხადეს, რომ ეს არის ხელისუფლების პასუხი და მოუწოდეს მათ, რომ არ შეუშალონ მედიას მუშაობაში ხელი.

ამ წუთებში პარლამენტის წინ წარსულში ერთმანეთთან დაპირისპირებული ოპოზიციური პარტიები საერთო აქციას მართავენ და არჩევნების შედეგებს აპროტესტებენ.

ოპოზიციური პარტიები არჩევნების შედეგებს არ აღიარებენ და არალეგიტიმურად ცნობენ. ყველა ბარიერგადალახულმა პარტიამ უარი თქვა მეორე ტურში მონაწილეობასა და პარტლამენტის მანდატებზე.

არჩევნების შემდეგ, როცა ოპოზიციამ აქციები დაანონსა, სამთავრობო გუნდი და საკოორდინაციო საბჭოს წევრები უფრო მკაცრად აცხადებენ, რომ აქციები ვირუსის გავრცელების საფრთხეს შეიცავს და მოუწოდებენ მოქალაქეებსა და პოლიტიკურ ლიდერებს დაიცვან წესები.