ერთიანი ნაციონალური მოძრაობის ერთ-ერთი ლიდერის, ნიკა მელიას თქმით, მას მხოლოდ საკუთარი თავის ეშინია, არ წავიდეს ზნეობრივ კომპრომისზე. ამის შესახებ მელიამ TV პირველთან ინტერვიუში ისაუბრა.

"მე თუ რაიმესი და ვინმესი ახლა მეშინია, საკუთარი თავის მეშინია პირველ რიგში, არ წავიდე ზნეობრივ კომპრომისზე, იმიტომ, რომ არ შეიძლება იქ დათმობა, სადაც არის დიდი უსამართლობა, სადაც უამრავი ადამიანი შენს იმედზეა და ამ ადამიანებს უმტყუვნო. ჭკუითაც უნდა ვაჯობოთ და ეს ჭკუა და გამოცდილებაც ოპოზიციაში გაცილებით მეტია, ვიდრე ხელისუფლებაში", — განაცხადა მელიამ.

31 ოქტომბრის საპარლამენტო არჩევნების შედეგებს ოპიზიცია არ აღიარებს და ქუჩაში საპროტესტო აქციებს მართავს. პარტიებმა საკანონმდებლო ორგანოში შესვლაზე უარი უკვე თქვეს. დიდი აქციაა დაგეგმილი კვირას, 8 ნოემბერს პარლამენტის შენობასთან, რუსთაველის გამზირზე. ისინი ხელახალი არჩევნების ჩატარებას მოითხოვენ.