ბიძინა ივანიშვილის რეზიდენციასთან, სოლოლაკში, სროლა იყო. აღნიშნულზე ინფორმაცია On.ge-ს შინაგან საქმეთა სამინისტროში დაუდასტურეს.

უწყების ცნობით, საქმეზე გამოძიება სისხლის სამართლის კოდექსის 236-ე მუხლით დაიწყო, რაც გულისხმობს ცეცხლსასროლი იარაღის საბრძოლო მასალის, ფეთქებადი ნივთიერების ან ასაფეთქებელი მოწყობილობის მართლსაწინააღმდეგო შეძენას, შენახვას, ტარებას, დამზადებას, გადაზიდვას, გადაგზავნას ან გასაღებას.