ნაციონალური მოძრაობის ყოფილი წევრი, გიგი უგულავა ფიქრობს, რომ პარტია, რომელიც მან დატოვა „ერთი კაცის პარტია გახდა“. ამის შესახებ მან გაზეთ კვირის პალიტრასთან ინტერვიუს დროს განაცხადა.

მისი თქმით, მიხეილ სააკაშილი, როგორც ლიდერი, ვალდებული იყო თანამებრძოლებისთვის და მხარდაჭერებისთვის ახალი ხედვები შეეთავაზებინა. უგულავა მიიჩნევს, რომ სააკაშვილმა ვერ შეძლო ხედვების შეთავაზება, რის გამოც ის პარტიის ლიდერობის ღირსი არ იყო.

"ჩემი ბოლო გზავნილი ასეთი იყო - ნაციონალური მოძრაობის დანგრევასა და დაშლაზე პასუხისმგებელი ხარ შენ!" - იხსენებს უგულავა მიხეილ სააკაშვილთან საუბრის დეტალებს კვირის პალიტრასთან საუბრისას.

ამავე ინტერვიუში უგულავა აღნიშნავს, რომ ნაციონალური მოძრაობის თავმჯდომარის შეცვლის საკითხი 2013 წელს დადგა. როგორც ის ამბობს, მაშინ დაპირისპირება „ლამის ჩხუბამდე მივიდა“.

ნაციონალური მოძრაობის დაშლის შესახებ განცხადება უგულავამ და პარტიის სხვა წევრებმა 12 იანვარს განაცხადეს.