ევროპული საქართველოს წევრი, გიორგი კანდელაკი თქმით, დიდი შანსია, რომ ბიძინა ივანიშვილის მმართველობა გახდეს დიქტატურა.

კანდელაკის თქმით, 8 მარტის შეთანხმებამდე ევროკავშირისა და აშშ-ის მხრიდან უკვე გადაწყვეტილი იყო სანქციების დაწესება, ბიძინა ივანიშვილის მიერ არადემოკრატიული არჩევნების ჩატარებამ კი ეს საკითხი შესაძლოა კვლავ დღის წესრიგში დააბრუნოს.

"თავის დროზე, ალექსანდრე ლუკაშენკომ, დემოკრატიული არჩევნებში გაიმარჯვა და ეროზია და უკუსვლა ბელორუსისაში მოხდა თანდათან. ეხლა რომ დიქტატურა არ ვართ, არ ნიშნავს, რომ თუ მივეცით ივანიშვილს ბურთი და მოედანი, არ გავხდებით დიქტატურა.

ამ მხრივაც მნიშვნელოვანია ბელორუსის გაკვეთილი. რაც შეეხება სანქციებს, საქართველოს შემთხვევაშიც მინდა გავიხსენო, რომ სანქციების საკითხი უკვე გადაწყვეტილი იყო, რომ არა 8 მარტის შეთანხმება, ევროპარლამენტის რეზოლუციის შეთანხმებულ ვერსიაში უკვე შეტანილი იყო, აშშ-ს შემთხვევაშიც დღის წესრიგში იდგა.

ამ ყველაფრის დაბრუნებას დღის წესრიგში, შეერთებული შტატების და ევროკავშირის მხრიდან, საქართველოსთან მიმართებაში, არაფერი არ უშლის ხელს. უმჯობესი იქნებოდა, რომ ეს ასე არ მომხდარიყო და არჩევნები დემოკრატიულად ჩატარებულიყო, მაგრამ, ეს არის ის გზა, რაც აირჩია ბიძინა ივანიშვილმა", — განაცხადა კანდელაკმა.