ABC-მ ჯორჯიას შტატის ხმებზე საუბრისას კადრად თბილისის 55-ე საჯარო სკოლა გაუშვა

აი რა ხდება, როცა ინგლისურ ენაში არსებობს ორი ჯორჯია, ორივე საცხოვრებელი ადგილი და ორივეში არჩევნებია!

"Country not a state" — ეს ფრაზა ყველა ქართველმა იცის და იყენებს კიდეც, როცა უცხოელთან საკუთარი თავისა და წარმომავლობის წარდგენას ცდილობს. ორ ჯორჯიაზე "დავას" ხომ დასასრული არ უჩანს.

ამჯერად, ამერიკულმა სატელევიზიო არხმა ABC-მ თბილისის 55-ე საჯარო სკოლის წინ არსებული რიგის კადრი გაუშვა. ამ დროს ეთერში ჯორჯიას შტატის ხმებზე კორესპონდენტი ელვინ ლოპესი საუბრობდა. შეგახსენებთ, რომ ამერიკასა და საქართველოში 3-დღიანი სხვაობით გაიმართა საპარლამენტო და საპრეზიდენტო არჩევნები.

ფოტო ფეისბუქზე თავდაპირველად შოთა ტყეშელაშვილმა გაავრცელა:

ABC News-ი ხმების დათვლა ატლანტაში, რიგი 55-ე საჯარო სკოლასთან.
Posted by Shota Tkeshelashvili on Thursday, November 5, 2020

არხის შეცდომას გამოეხმაურნენ ტვიტერზეც:

"ABC, თქვენგან ახალ ამბებზე კადრები ვინ მოიძია? როცა ერთ-ერთ გადამწყვეტ შტატზე საუბრობდით, ქვეყანა საქართველო აჩვენეთ, კადრში შენობაზე ქართულადაა წარწერები".

@ABC who did the research for your images? When talking about the key Battleground State of Georgia you showed a polling station in the country of Georgia with the Georgian language written on the building. #Elections2020 pic.twitter.com/OrpJQx9C4H
— Thomas Adams (@real_tomadams) November 5, 2020

დონალდ ტრამპსა და ჯო ბაიდენს შორის კონკურენცია საკმაოდ მჭიდროა. ჯერ რთულია იმის თქმა, თუ ვინ გახდება პრეზიდენტი. წინასწარი მონაცემებით, საარჩევნო კოლეგიაში ბაიდენი ლიდერობს. მას გასამარჯვებლად საჭირო 270 ხმიდან უკვე 264 აქვს, ხოლო ტრამპს — 214.

ბოლო ამბები:

გირჩევთ