სამოქალაქო მოძრაობა ხალხისთვის თავმჯდომარე, ანა დოლიძე ამბობს, რომ რვა პარტიის მიერ საპარლამენტო მანდატებზე უარის თქმა არის ღირსების ბოიკოტი. TV პირველის ეთერში დოლიძემ განაცხადა, რომ ქართული ოცნება მარტო უნდა გამოვიდეს კრიზისიდან.

"ჩვენ ვდგებით მაგიდიდან და თქვენ, ქართული ოცნება, რჩებით მარტო სახლში. მარტო სახლში, მარტო პარლამენტში. დასხდნენ ესენი და ელაპარაკონ ერთმანეთს, დაარწმუნონ ერთმანეთი, შეურაცხყოფა მიაყენონ ერთმანეთს, თვითონ გამოვიდნენ ამ კრიზისიდან. ესენი უნდა დარჩნენ მარტო სახლში და ჩვენ ამას უნდა დავარქვათ ღირსების ბოიკოტი.

ჩვენ უნდა დავუსვათ ამათ პირობა — ქართველ ხალხთან ასე მოქცევა არ შეიძლება", — აცხადებს ანა დოლიძე.

31 ოქტომბრის საპარლამენტო არჩევნებში ბარიერგადალახლუმა რვავე ოპოზიციურმა პარტიამ მანდატებზე უარი თქვა. ისინი პარლამენტის ლეგიტიმურობას არ აღიარებენ და ამბობენ, რომ არჩევნების დღეს გაყალბების არაერთი შემთხვევა დაფიქსირდება.