მთავრობის ადმინისტრაციის ხელმძღვანელს, ნათია მეზვრიშვილს კორონავირუსი დაუდასტურდა. ამის შესახებ მეზვრიშვილმა საკუთარ ფეისბუქგვერდზე დაწერა.

"დამიდასტურდა Covid -19. კარგად ვარ, სახლში გავდივარ მკურნალობას და შეძლებისდაგვარად ვაგრძელებ მუშაობას", — დაპოსტა მეზვრიშვილმა.

მეზვრიშვილი თვითიზოლაციაში გუშინ გადავიდა.

კორონავირუსი დაუდასტურდა პრემიერმინისტრ გიორგი გახარიასაც. ინფორმაცია ამის შესახებ მთავრობის ადმინისტრაციამ გაავრცელა.

"პრემიერმინისტრ გიორგი გახარიას ტესტირების შედეგად კორონავირუსი დაუდასტურდა. გიორგი გახარია თავს კარგად გრძნობს და მკურნალობას სახლში გააგრძელებს", — აცხადებენ პრესსამსახურში.

მათივე ინფორმაციით, გახარია 31 ოქტომბერს თვითიზოლაციაში გადავიდა, ვინაიდან მას ხანგრძლივი კომუნიკაცია ჰქონდა დაცვის თანამშრომელთან, რომელსაც მიზნობრივი შერჩევითი ტესტირებით დაუდგინდა კორონავირუსი.