საერთაშორისო გამჭვირვალობა - საქართველომ მთელი ქვეყნის მასშტაბით 61 საარჩევნო უბნის შემაჯამებელი ოქმები გაასაჩივრა. ამის შესახებ ინფორმაციას ორგანიზაცია facebook-ზე ავრცელებს.

მათი თქმით, საჩივრები დაიწერა საოლქო კომისიების უმრავლესობაში, კერძოდ 30-დან სულ 19 ოლქში, საიდანაც:

  • 60 უბანში შემაჯამებელი ოქმების ბათილობა და ხმების ხელახლა დათვლა მოვითხოვეთ, რადგან ოქმებში დარღვეულია ბალანსი საარჩევნო ყუთში მოხვედრილ, გაბათილებულ ბიულეტენებსა და არჩევნებზე მისულ ამომრჩევლებს შორის;
  • მარნეულის #13.22.65 უბანში კი შედეგის გაბათილება მოვითხოვეთ, რადგან ჩვენი დამკვირვებლის მიერ გადაღებული ვიდეომტკიცებულებით (bit.ly/2TIpW5E) დასტურდება გაყალბების, კერძოდ კი ერთი და იგივე პირის მიერ ხმის არაერთგზის მიცემის ფაქტი - ამ ფაქტთან დაკავშირებით ორგანიზაცია ასევე გეგმავს გამოძიების მოთხოვნით პროკურატურას მიმართოს;

ორგანიზაციის განცხადებით, საოლქო საარჩევნო კომისიებმა საჩივრები 2 კალენდარული დღის ვადაში უნდა განიხილონ. მიღებული გადაწყვეტილება შეიძლება სასამართლოში გასაჩივრდეს.