ლელოს ერთ-ერთი ლიდერის ანი მიროტაძის თქმით, საჩხერეში ხალხს დახმარება სჭირდება, რადგან ისინი ქართული ოცნების წარმომადგენლებისგან ზეწოლას განიცდიან.

"ქართული ოცნების ზონდერები ჩემს ოლქში, საჩხერე-ჭიათურაში იძახდნენ, რომ საჩხერე არის ბიძინას სამშობლო. მე მათ ვეუბნები, რომ საჩხერე-ჭიათურა და დანარჩენი მხარეები არის ქართველი ერის. მე პირადად გეუბნებით, რომ იმ ოლქში ქართულ ოცნებას არავინ ირჩევს. ის ხალხი ცხოვრობს შიშში, ზეწოლის ქვეშ და სჭირდებათ შველა. ბიძინას კი ვპირდებით, რომ მისნაირებისგან ამ ქვეყანას ზუსტად იმ რეგიონიდან გავათავისუფლებთ", — განაცხადა ანი მიროტაძე.