ცენტრალურ საარჩევნო კომისიის მონაცემებით, ამ დროისთვის დათვლილია ხმების 28,2%. ამ მონაცემებით, ბათუმის მაჟორიტარულ ოლქში, შესაძლოა, მეორე ტური გაიმართის.

ქართული ოცნების კანდიდატმა, რესან კონცელიძემ, პირველადი მონაცემებით 48,78% აიღო, ხოლო ნაციონალური მძრაობის კანდიდატმა, ლევან ვარშალომიძემ — 30,73%.

ამ დროის მონაცემებით, ბათუმის მაჟორიტარული ოლქის პირველი ხუთეული ასე გამოიყურება:

  • რესან კონცელიძე — 48,78%;
  • ლევან ვარშალომიძე — 30,73%;
  • იაგო ხვიჩია (გირჩი) — 4.39%;
  • არმაზ ახვლედიანი (ევროპული საქართველო) — 3.41%;
  • რამაზ ფევაძე (ეროვნულ დემოკრატიული მოძრაობა) — 3.41%.

ცენტრალური საარჩევნო კომისიის განცხადებით, ამ დროისთვის დათვლილია უბნების 28,2 პროცენტი, ანუ 3 847 უბნიდან 1 085. ცესკოს თავმჯდომარის, თამარ ჟვანიას განცხადებით, ძირითადად, ეს არის პატარა უბნები და მოსალოდნელია, რომ დიდი უბნების მონაცემები გავლენას იქონიებს საბოლოო შედეგებზე.