საკრებულოს წევრი, მარიკა დათუკიშვილი აცხადებს, რომ რეგიონებიდან ჩამოსულ პოლიციელებს ისნის მაჟორიტარს მისცენ ხმა. როგორც მან TV პირველთან საუბარში განაცხადა, ამის გამო, კომისიის წევრებთან პროცესში მოხდა დაპირისპირება და ერთ-ერთმა პირმა მისთვის ფიზიკური შეურაცხყოფის მიყენება სცადა.

"78-ე უბანი არის ისანში, სადაც არის 380-კაციანი სპეციალური სია. პოლიციელები, რომლებიც საკუთარ მოვალეობას ასრულებენ, მათ უნდა მიეცეთ შესაძლებლობა, რომ მიიღონ არჩევნებში მონაწილეობა. როდესაც ეს პოლიციელები არიან ჩამოსული რეგიონებიდან, გურჯაანიდან, თელავიდან, კახეთიდან, კასპიდან, ამ პოლიციელებს აძლევენ კომისიის წევრები საშუალებას, ადიგენის მოსახლეობამ ისნის მაჟორიტარს მისცენ ხმა. ეს 380 ხმა ქართულ ოცნებას ისე უჭირს, რომ ამის იმედად არის. ეს არის უპრეცენდენტო გაყალბება, ესაა კანონის უხეში დარღვევა", — განაცხადა მან.

ის ასევე ამბობს, რომ წინააღმდეგობის გაწევის პროცესში ერთ-ერთმა პირმა მასზე ფიზიკური შეურაცხყოფის მიყენება სცადა.

"საარჩევნო კოდექსი თავზე გადაიხიეს და ცდილობდნენ ჩვენთისაც გადაეხიათ, რისი საშუალებაც არ მივეცი და ამ არ მიცემის პროცესმა გამოიწვია ის, რომ დაირაზმნენ გარეთ მყოფი, არაფხიზელ მდგომარეობაში მყოფი ადამიანები, ერთ-ერთმა სცადა ფიზიკური შეურაცხყოფა მოეყენებინა ჩემთვის, მათ შორის, ქართული ოცნების წარმომადგნელებსაც ეყოთ ჭკუა, არ მიეცათ ჩემთვის შეურაცხყოფის მოყენების უფლება", — განაცხადა დათუკიშვილმა

2020 წლის საპარლამენტო არჩევნების შესახებ

მთელი ქვეყნის მასშტაბით საარჩევნო უბნები 8 საათზე გაიხსნა და ხმის მიცემის პროცესი დაიწყო. უბნები დღეს 20:00 საათზე დაიხურება.

ისტორიაში პირველად, არჩევნები პროპორციულთან მიახლოებული, 120/30-ზე სისტემით გაიმართება.

გაიგეთ მეტი არჩევნებზე: