პრემიერმინისტრმა, გიორგი გახარიამ დღეს, 29 ოქტომბერს ერთიანი ნაციონალური მოძრაობის მიერ თავისუფლების მოედანზე გამართულ აქციას "ღიმილისმომგვრელი" უწოდა და აღნიშნა, რომ ამაზე არ უნდა აღელდნენ.

"ჩვენ ყველას უნდა გვესმოდეს, რომ ჩვენ გვჩვევია ასე — დიდ ბრძოლებში და დიდი გამოწვევების დროს ვერთიანდებით და ახლა ასეთი გაერთიანების დროა. რა თქმა უნდა, შეიძლება ჩატარდეს ისეთი რაღაც ღონისძიებები, ღიმილისმომგვრელი, რომელიც დღეს ჩატარდა თბილისში, მაგრამ ჩვენ ამაზე არც უნდა ავღელდეთ. ჩვენ გვაქვს დიდი მისია", — განაცხადა გიორგი გახარიამ.

29 ოქტომბერს თბილისში, თავისუფლების მოედანზე ერთიანი ნაციონალური მოძრაობა — ძალა ერთობაშიამ შემაჯამებელი აქცია გამართა. აქციაზე საქართველოს მესამე პრეზიდენტი ჩაერთო და განაცხადა, რომ არჩევნების გაყალბებაზე პასუხი არათუ უკან დახევა, არამედ შეტევა და ხალხის მიერ ხელისუფლების ხელში აღება იქნება.