ბოლნისის მუნიციპალიტეტის სოფელ მამხუთში ნაციონალური მოძრაობის კოორდინატორს სცემეს. ერთიანი ნაციონალური მოძრაობის შტაბში აცხადებენ, რომ დაზარალებული 62 წლის ისმაილ გაჯიევია. მას ჭრილობა თავის არეში ე.წ. კასტეტით აქვს მიყენებული. ოჯახის ინფორმაციით თავდასხმა მაშინ მოხდა, როცა ის საკუთარი სახლის ეზოში იმყოფებოდა.

შინაგან საქმეთა სამინისტროში On.ge განუცხადეს, რომ მომხდარზე გამოძიება სისხლის სამართლის კოდექსის 126-ე მუხლით მიმდინარეობს, რაც ძალადობას გულისხმობს.