სამეგრელოში, ხობის მუნიციპალიტეტის სოფელ ნოჯიხევში მატარებლის დაჯახების შედეგად ქალი გარდაიცვალა. შემთხვევა დღეს, 28 ოქტომბერს მოხდა. არსებული ინფორმაციით ქალი ადგილზე გარდაიცვალა.

შინაგან საქმეთა სამინისტროში On.ge-ს განუცხადეს, რომ მომხდარზე გამოძიება სისხლის სამართლის კოდექსის 275-ე მუხლის მე-4 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს იმის მიერ, ვისაც ამ წესის დაცვა სპეციალურად ევალება, რამაც ადამიანის სიცოცხლის მოსპობა გამოიწვია.