ევროპული საქართველოს ინფორმაციით, 2 ნოემბრიდან მთავრობა ქვეყანაში სრული ჩაკეტვის, ე.წ. ლოქდაუნის გამოცხადებას გეგმავს. ამის შესახებ დღეს გამართულ ბრიფინგზე პარტიის ერთ-ერთმა ლიდერმა, გიგა ბოკერიამ განაცხადა. მისი თქმით, მეორე ტურის წინ ხელისუფლებაა აპირებს ფორის შექმნას, რადგან ქართულ ოცნებაში კარგად იციან, რომ არჩევნებს ვერ მოიგებენ.

"ჩვენს ხელთ არსებული სანდო ინფორმაციით, ქართული ოცნება გეგმავს ორშაბათიდან (2 ნოემბერი) ლოქდაუნის (ჩაკეტვა) გამოცხადებას. ამ ნაბიჯით აპირებენ მეორე ტურების წინ ფორის შექმნას, რადგან კარგად ხვდებიან, რომ არჩევნებს ვერ მოიგებენ", — განაცხადა ბოკერიამ.

დეპუტატი ქართული ოცნებისა და ნაციონალური მოძრაობის წარმომადგენლებს მოუწოდებს, მიიღონ დებატებში მონაწილეობა და გამართონ სერიოზული დისკუსია ამ თემაზე.

"ვთხოვთ სატელევიზიო არხებს, რომ ამ თემას მიაქციონ სერიოზული ყურადღება, რადგან სასწორზე არის არა მხოლოდ ქვეყნის დემოკრატიული მომავალი, არამედ საზოგადოებრივი ჯანდაცვა და თითოეული მოქალაქის კეთილდღეობა", — განაცხადა მან.