10 გამოგონება, რომელიც არარსებულ პრობლემებს მოგვიგვარებდა

ალბათ, ერთხელ მაინც უფიქრია ყველას, რომ ისეთი ხელსაწყო ან ნივთი არსებობდეს, რომელიც კონკრეტულ სიტუაციაში ჩვენს, მართალია, არც ისე მნიშვნელოვან, მაგრამ მაინც არსებულ პრობლემას შეამსუბუქებდა, თუმცა, რატომღაც კაცობრიობას მსგავსი საგნების გამოგონება დიდად არ ადარდებს.

აი, მეთი ბენედიტო კი ასე სულაც არ ფიქრობს და უკვე დიდი ხანია ისეთი ნივთების გამოგონებაზე მუშაობს, რომლებიც, მისივე თქმით, "არარსებული პრობლემების" მოგვარებაში დაგვეხმარება.

გაეცანით მის ახალ იდეებს და ვინ იცის, იქნებ ისე მოიხიბლოთ კიდეც, რომ მათი თქვენს ყოველდღიურობაში გამოჩენაც ინატროთ.

1. ჰოთ-დოგის დამჭერი

ვისაც ერთხელ მაინც უჭამია ჰოთ-დოგი, იცის, რომ არც ისე მოსახერხებელი პროცესია. ეს ნივთი კი როგორც ხელების დასვრას, ისე ჭამის უხერხულობას აგარიდებთ.

2. პირბადე-რუპორი

პანდემიის პირობებში პირბადის ტარება უმნიშვნელოვანესი რეკომენდაციაა, თუმცა ხშირად ამის გამო ერთმანეთთან კომუნიკაცია გვიჭირს. აი, პირბადე-რუპორის წყალობით კი ეს პრობლემა სულ მარტივად მოგვარდებოდა.

3. ერთი წვეთი ნაყინიც არ უნდა დაიკარგოს!

View this post on Instagram

A post shared by Unnecessary Inventions (@unnecessaryinventions) on Sep 3, 2020 at 9:07am PDT

ვაფლში მოთავსებული ნაყინის ბურთულები ყველაზე გემრიელია, თუმცა ხშირად ყველაზე მალეც დნება ხოლმე. ეს მოწყობილობა კი დაგეხმარებათ, არც ხელები დაისვაროთ და თან ნაყინი ბოლო წვეთამდე ჩაიკოკლოზინოთ.

4. როგორ გავაჩუმოთ სარკე

არის დღეები, როცა სარკეში ჩახედვაც არ გვინდა, რადგან ვიცით, იქ რასაც დავინახავთ, სულაც არ გაგვიხარდება. ამ მინიფარდების საშუალებით შეგვეძლება, მაგალითად, მხოლოდ ჩვენი სახე დავინახოთ და სხეულის მომატებული კილოგრამები არ შევიმჩნიოთ.

5. საბანი მოუსვენრებისთვის

არც ისე ცოტა ადამიანია, რომელსაც ვერ გაურკვევია, ძილის დროს სცხელა თუ სცივა. აი, ეს საბანი კი ამ დილემას უპრობლემოდ გადაჭრის.

6. მაისური-პირბადე

წარმოიდგინეთ, აღმოჩნდეს, რომ გადაუდებელ სიტუაციაში პირბადე თან არ გაქვთ, სანაცვლოდ კი ასეთი მაისური გაცვიათ: ერთდროულად თავსაც გაუფრთხილდებით და ახალ მოდასაც დაამკვიდრებთ.