ევროპული საქართველოს მაჟორიტარობის კანდიდატი საჩხერის, ჭიათურისა და ხარაგაულის ოლქში, სერგო რატიანი ჭიათურის მერის მიერ ჯორჯიან მანგანეზის ქვეკონტრაქტორებზე ზეწოლაზე საუბრობს.

რატიანის თქმით, ჯორჯიან მანგანეზს, ფაქტობრივად მართავს ბიძინა ივანიშვილის დეიდაშვილი, უჩა მამაცაშვილი, რომელიც არ უხდის თავის ქვეკონტრაქტორებს კუთვნილ თანხებს.

"ჩემი ინფორმაციით, ჭიათურაში ჯორჯიენ მანგანეზმა და ქვეკონტრაქტორ კომპანიებს შორის საშუამავლო კომპანიამ შ.პ.ს. ემ-ენ ლოჯისტიკმა, ქვეკონტრაქტორი 80 კომპანიიდან დახლოვებით 60 კომპანიას მხოლოდ ნაწილობრივ ჩაურიცხა მათი კუთვნილი თანხები. ამ დროისთვის დავალიანება შეადგენს დაახლოვებით 3 მილიონ ლარს.

საზოგადოებას მოეხსენება, რომ ჯორჯიენ მანგანეზში შესულია სახელმწიფო მმართველი, ფაქტობრივად კი მას მართავს ბიძინა ივანიშვილის დეიდაშვილი უჩა მამაცაშვილი და მის ირგვლივ აწყობილია კორუფციული სქემა. არჩევნების წინ ხელისუფლება ჯი ემს იყენებს ბიზნესზე ზეწოლისათვის.

ჩვენ, ასევე, გვაქვს ინფორმაცია, რომ ჭიათურის მერი გივი მოდებაძე პირადად ხვდება ჯი ემის რიგ ქვეკონტრაქტორებს და ზეწოლას ანხოპრციელებს მათზე.

60-მდე კომპანის მიმართ არის შემდეგი განცხადება — სრულად მათ კუთვნილ თანხებს მიიღებენ მხოლოდ არჩევნების დასრულების შემდეგ.

მოვუწოდებ ხელისუფლებას, შეწყვიტონ კერძო კომპანიების პოლიტიკურ მძევლად ყოლა და უზრუნველყონ დავალიანების სრული გასტუმრება არჩევნებამდე", — განაცხადა რატიანმა.