მაია რჩეულიშვილი, რომელიც სასამართლომ პატიმრობაში დატოვა, მკურნალობის გაგრძელებაზე უარს აცხადებს. ამის შესახებ პროკურორი დავით გუმბერიძე აცხადებს:

"მაია რჩეულიშვილმა სამედიცინო პროცედურებში მონაწილეობაზე უარი განაცხადა და სამედიცინო დაწესებულების მიერ მიღებულია გადაწყვეტილება მისი სასჯელაღსრულების დაწესებულებაში დაბრუნების თაობაზე".

აღნიშნული ინფორმაციის გადამოწმებას დაცვის მხარე აპირებს. ადვოკატ მარინე ცუცქირიძის განცხადებით, მოსამართლე მაია შოშიაშვილმა სასამართლო პროცესის 1 თვით გადაწევის შუამდგომლობა არ დააკმაყოფილა და პროცესი 2 დღით გადაიდო, ამ პერიოდში უნდა გაირკვეს, სად გადაიყვანენ მაია რჩეულიშვილს, სხვა საავადმყოფოში თუ ციხეში.

მაია რჩეულიშვილი მკურნალობას სტაციონარში გადიოდა. რამდენიმე დღის წინ ინტერპრესნიუსმა გაავრცელა ინფორმაცია იმის თაობაზე, რომ მას ოპერაციისთვის ამზადებდნენ.

ბრალდების მხარე აცხადებს, რომ მაია რჩეულიშვილი და დაცვის მხარე სასამართლო პროცესს შეგნებულად აჭიანურებენ.

სასამართლო ცენტრ პონტის დამფუძნებლებს ჯგუფურად სხვისი ქონების გაფლანგვას ედავება, საქმე ათეულობით მილიონ ლარს ეხება.