ევროპული საქართველოს ზუგდიდის მაჟორიტარი დეპუტატობის კანდიდატის, გიგი უგულავას თქმით, ადამიანების ჯანმრთელობა ბეწვის ხიდზე კიდია, რასაც ემატება მასობრივი უმუშევრობა, იმედგაცრუება და უპერსპეტივობა.

უგულავა აცხადებს, რომ მთავრობას, რომელიც ვერ უზრუნველყოფს ადამიანების დასაქმებას, უსაფრთხოებასა და ჯანმრთელობას, 31 ოქტომბერს საქართველოს მთელი მოსახლეობა ეტყვის უარს.

"ჩვენ ვართ ვარდების რევულიციის თაობა, რომელიც იბრძვის და რომელიც არასდროს გაჩერდება, იმიტომ, რომ ბრძოლა არის ჩვენს ისტორიაში და ბრძოლა არის ჩვენი თავისუფლების საფუძველი. ჩვენ ვიბრძვით ჩვენი თავისუფლებისთვის, დემოკრატიისთვის, უსაფრთხოებისა და კეთილდეღობისთვის — ყველაფერი ამ ქვეყნისთვის და ყველაფერი საქართველოსთვის. დღევანდელი მთავრობა რომ უნდა წავიდეს, ამის მიზეზი არის რამდენიმე და მარტივი. რისთვის ვირჩევთ და რისთვის გვჭირდება მთავრობა? მან უნდა უზრუნველყოს ჩვენი უსაფრთხოება, ჯანმრთელობა და დასაქმება, მან ყველაფერ ამას უნდა შეუწყოს ხელი.

ივანიშვილის მთავრობამ ჩააფლავა უსაფრთხოებაში. სამწუხაროდ, დღეს ჩვენი ქუჩები 90-იანი წლების შემდეგ ყველაზე სახიფათოა. სამწუხაროდ, ჩვენი ჯანდაცვა და ჯანმრთელობა მასობრივად კიდია ბეწვის ხიდზე. ის ტრაბახი, რასაც ჩვენ ვისმენდით, აღმოჩნდა ფუჭი და დღეს ვართ ისეთი გამოწვევის წინაშე, როგორშიც არასდროს არ ყოფილა საქართველო. ყველაფერ ამას ემატება მასობრივი უმუშევრობა, მასობრივი იმედგაცრუება და უპერსპექტივობა.

მაშინ, რად გვინდა მთავრობა, რომელიც ვერ უზრუნველყოფს ჩვენს დასაქმებას, უსაფრთხოებასა და ჯანმრთელობას?! სწორედ ამიტომ, ამ მთავრობას 31 ოქტომბერს ეტყვის საქართველოს მთელი მოსახლეობა უარს. ეს არის გარდაუვალი", — განაცხადა გიგი
უგულავამ.