შენი ზაფხული აქ არის — Myhome-ის კამპანია ტურიზმის ეროვნულ დაჯილდოვებაზე

ადამიანი უხსოვარი დროიდან მოგზაურობს. საუკუნეების წინ, მას ძირითადად სავაჭრო, ან საბრძოლო დანიშნულება ჰქონდა. საერთაშორისო ავიახაზების განვითარებასთან ერთად, ტურიზმი ერთგვარ ტრენდად იქცა. წლების განმავლობაში ქართველი ტურისტები ასეულობით მილიონ ლარს ხარჯავდნენ უცხოეთში სამოგზაუროდ, სხვა ქვეყნების გასაცნობად და ახალი შთაბეჭდილებების მისაღებად. თუმცა, 2020 წელს საერთაშორისო ტურიზმი ადგილობრივმა ჩაანაცვლა და ჩვენ, ყველამ თავიდან აღმოვაჩინეთ საქართველო. ის, რასაც აქამდე უცხო მხარეებში ვეძებდით, გვაოცებდა და გვიზიდავდა, ჩვენს თვალწინ აღმოჩნდა.

ამ ყველაფრის შთაგონებითა და შიდა ტურიზმის მხარდასაჭერად, Visa-სთან კოლაბორაციით Myhome-მა შექმნა სპეციალური პლატფორმა rent.myhome.ge და დაიწყო კამპანია — შენი ზაფხული აქ არის.

"კამპანია მრავალი მიმართულებით იყო წარმოდგენილი ზაფხულის განმავლობაში. ფორმულასთან ერთად შეიქმნა დილის რუბრიკა, სადაც გადიოდა სიუჟეტები Myhome-ის და ტელევიზიის ერთობლივი მოგზაურობის შესახებ საქართველოში. ვუჩვენებდით ჩვენი ქვეყნის მიმზიდველ ადგილებს, ტურისტულ სერვისებს სხვადასხვა რეგიონში და ადგილობრივ სამზარეულოს. ასევე, ჩვენი მომზადებული ვიდეორგოლები განთავსებული იყო Facebook გვერდზე და 2 მილიონამდე ადამიანმა ჩვენთან ერთა იმოგზაურა საქართველოს კუთხეეებში, ხოლო, მოთხოვნა ტურისტულ ქონებაზე 35%-ით გაიზარდა ზაფხულის განმავლობაში", — ამბობს მურთაზ ფუტკარაძე, MY.GE-ის მარკეტინგის მენეჯერი.

კამპანიის — შენი ზაფხული აქ არის — განმავლობაში, ციფრულ მედიაში თავსდებოდა სტატიები, რომელიც საქართველოში მოგზაურობის უკეთ დაგეგმვაში ეხმარებოდა მკითხველს, რათა უმოკლეს დროში ეპოვა გზები იდეალური ზაფხულის მოსაწყობად. ასევე, განთავსებული იყო მხიარული ტესტებიც და ყველაზე პოპულარული ინფლუენსერები ადგილობრივ ტურისტებს აძლევდნენ რეკომენდაციბს დასვენების დასაგეგმად, MY.GE-ის გრაფიკულმა დიზაინერებმა კი შექმნეს საქართველოს ახალი ციფრული იდენტობა, რომელიც საფოსტო მარკებად და Facebook სტიკერებად იქცა.

Myhome-ის კამპანია შენი ზაფხული აქ არის წარდგენილია ტურიზმის ეროვნულ დაჯილდოებაზე. შეგიძლია ვებგვერდზე ჩამოსქროლო, იპოვო Myhome კატეგორიაში THE BEST PR CAMPAIGN FOR SUPPORTING DOMESTIC TOURISM, ხმა მისცე და დაეხმარო გამარჯვებაში.