ევროპული საქართველოს ქუთაისის მაჟორიტარობის კანდიდატი, ოთარ კახიძე, ზუგდიდში მომხდარ შეიარაღებულ თავდასხმაზე შინაგან საქმეთა მინისტრის, ვახტანგ გომელაურის განცხადებას ეხამურება. მისი თქმით, ასეთი ფაქტები ახალისებს მსგავს დანაშაულებს.

"გუშინ შს მინისტრმა წარმოუდგენელი რამ თქვა — ყაჩაღის მოთხოვნების დაკმაყოფილება ყოფილა, თურმე, წარმატებული ოპერაცია. 10 მილიონი იქნება თუ 100 მილიონი, მივცემთ ყველას, არ არის პრობლემაო.

დაუშვებელია, კრიმინალებს გაუვიდეთ ხელყუმბარით სადმე შევარდნა, მძევლების აყვანა და შემდეგ სახელმწიფოსთვის ფულის გამოძალვა. ამგვარი ფაქტის დაშვება საფრთხის ქვეშ აგდებს ყველა მოქალაქეს, რადგან ახალისებს მსგავს დანაშაულს.

ასეთი ელემენტარული რამ ვისაც არ ესმის, როგორ შეიძლება შს მინისტრის თანამდებობას იკავებდეს?

ქვეყანა არის ასეთი მავნებელი იდიოტების მართვის ქვეშ. იმედია, ცოტა ხანი დარჩა ამ კატასტროფის და მარაზმის დასრულებამდე", — განაცხადა ოთარ კახიძემ.