ევროპული საქართველოს წევრი, ზურაბ ჭიაბერაშვილი, ქვეყანაში არსებულ ეპიდვითარებას ეხმაურება. მისი თქმით, ეს შედეგი მოიტანა ხელისუფლების არაეფექტურმა მართვამ.

ჭიაბერაშვილმა წარადგინა პარტიის ეპიდემიის მართვის სტრატეგია და აღნიშნა, რომ ეს ნაბიჯები აუცილებლად უნდა გადაიდგას, რათა გამოსწორდეს ის მძიმე ეპიდსიტუაცია, რომელშიც ქართული ოცნების ხელისუფლებამ ჩააგდო ქვეყანა.

ევროპული საქართველოს ტრატეგია ასეთია:

1. სწრაფი რეაგირება = შენი სიმშვიდე;

  • ერთი ზარის პრინციპი: 112-ის და ოჯახის ექიმების სისტემების ინტეგრირება, რომ ყველა ზარზე მიიღონ კვალიცირებული პასუხი და რეაგირება. ამ კუთხით დაფინანსების გასამმაგება.
  • ხარისხიანი სწრაფი ტესტების ხელმისაწვდომობის გაზრდა მასობრივად. ამ კუთხით დაფინანსების გასამმაგება.

2. ეფექტური ზრუნვა = შენი გამარჯვება კოვიდზე;

  • საველე ჰოსპიტლების მოწყობა და კოვიდსაწოლების რაოდენობისა და სასუნთქი აპარატების გასამმაგება;
  • მრავალპროფილური კლინიკების შენარჩუნება სხვა დიაგნოზებისათვის;
  • კოვიდკლინიკებად გადაკეთებული მრავალპროფილური კლინიკების ფინანსური დანაკლისის შევსება;
  • სამედიცინო დაწესებულებების პერსონალური დამცავი საშუალებებით აღჭურვა, 2-კვირიანი ცვლის სისტემების აწყობა და სამედიცინო პერსონალის მუდმივი ტესტირება.

3. პრევენცია = კორონას საბოლოო დამარცხება;

  • მასობრივი საინფორმაციო კამპანია;
  • პირბადეების ხელმისაწვდობომის გაზრდა მოწყვლადი ჯგუფებისთვის;
  • პირბადეების სავალდებულობა საჯარო სივრცეში;
  • რისკ-ჯგუფში მყოფი მოქალაქეების (მოხუცები, მძიმე თანმდევი დაავადებების მქონე პირები) ნებაყოფლობით უსაფრთხო სივრცეებში გადაყვანა, თუ მათ თვითიზოლაციის საშუალება არ აქვთ;
  • გრიპის ვაქცინის მასობრივი ხელმისაწვდომობა.

4. ეკონომიკა = შიმშილის და უმუშევრობის დამარცხება.

  • გადასახადების შემცირება.