დღეს დიდი დღეა - უცხოური პრესის ასოციაცია წელს უკვე 74-ედ გასცემს ოქროს გლობუსს. წითელი ხალიჩა, ვარსკვლავები, მოლოდინები და აპლოდისმენტები, საინტერესო შოუ დღეს თბილისის დროით დილის 5 საათზე დაიწყება.

ჩვენ უკვე ვიცით ნომინანტების ვინაობა და საკუთარი ფავორიტებიც გვყვავს, ვიცით ისიც, რომ წელს საინტერესო სანახაობა გველის, რადგან შოუს წამყვანი ჯიმი ფელონი იქნება, ნომინაციის წარმდგენებად კი ყველასათვის საყვარელი მსახიობები მოგვევლინებიან.

წლევანდელი შოუ განსაკუთრებულია იმითაც, რომ მერილ სტრიპს ისტორიული 30-ე ნომინაცია აქვს და ამასთანავე მას შოუს დროს საპატიო ოქროს გლობუსსაც გადასცემენ კინოში შეტანილი განსაკუთრებული წვლილისთვის.

დარწმუნებული ვარ, მოუთმენლად ელით შოუს დაწყებას, ამიტომ გთავაზობთ იმ რესურსების ჩამონათვალს, სადაც შოუს ყურება შეგიძლიათ.

მაშ ასე, პირველი რა თქმა უნდა On.ge-ს ფეისბუქ გვერდია, სადაც მართალია ლაივი არ იქნება, მაგრამ უმოკლეს დროში დაიდება ფოტომასალა წითელი ხალიჩიდან, ყველაზე ადრე გაიგებთ გამარჯვებულების ვინაობას და საინტერესო ფაქტებს შოუს მსვლელობის დროს.

რაც შეეხება პირდაპირ ეთერს, პირველ რიგში თავად ოქროს გლობუსის ოფიცილურ გვერდზე შეგიძლიათ მისი ნახვა. იმ შემთხვევაში, თუ ლაივ სტრიმმა გაჭედა, გთავაზობთ ალტერნატიულ ვერსიებს:

The HFPA Presents: Globes Red Carpet

ლაივს შემოგვთავაზებს E!online-ც

Entertainment Tonight - შოუს დაწყებამდე დადებს ლინკს, სადაც ლაივის ყურებას შეძლებთ.

ასევე - livetvcafe და time4tv

ასე რომ, მოიმარაგეთ სასუსნავები და ერთად ვუყუროთ ოქროს გლობუსის 74-ე ცერემონიალს.