კერი ფიშერის ტრაგიკული გარდაცვალების შემდეგ ინტერნეტში მისმა გულშემატკივრებმა პეტიცია განათავსეს, სადაც მოითხოვენ, რომ ვარსკვლავური ომების ლეგენდარული პერსონაჟი ლეია დისნეის ახალი პრინცესა გახდეს და ამით კერი ფიშერის ხსოვნას პატივი მიეგოს.

"კერი ფიშერის ტრაგიკული გარდაცვალების შემდეგ ერთადერთი, რაც გვინდა, მასზე შექმნილი დისნეის ანიმაციაა", - წერია პეტიციაში.

ამჟამად პეტიციას მხარს 53 634 ადამიანი უჭერს. იმისათვის, რომ იდეა განიხილონ, სულ 75 000 ხელმომწერია საჭირო.

ასე რომ, თუ გსურთ ლეია დისნეის დიდ ოჯახს შეუერთდეს, შეგიძლიათ თქვენც მოაწეროთ ხელი პეტიციას.