საქართველოში ქალთა სართაშორისო რალის კვირეული მოეწყო. იგი 11 ოქტომბერს დაიწყო და დღეს, 16 ოქტომბერს ბათუმში დასრულდება. ორგანიზატორთა ინფორმაციით, ქალებისთვის შექმნილი ეს საერთაშორისო უგზოობის რალი რეიდი, დაახლოებით, საქართველოს ტერიტორიის 1 500 კილომეტრს მოიცავს და 6 დღის განმავლობაში გრძელდება. წელს მასში მონაწილეობას 30 პირი და 15 ეკიპაჟი იღებდა.

მათივე ინფორმაციით, სათავგადასავლო რალის მიზანია, შექმნას უგზო ავტორბოლაზე ახალი ხედვა: რბოლა მხოლოდ მართვის სიამოვნებისთვის, სიჩქარის და წამზომის გარეშე. ამასთან, ქაღალდის რუკების და სასურველი ნავიგაციის სისტემის გამოყენებით, მონაწილეებმა საკონტროლო პუნქტები, რაც შეიძლება მცირე დისტანციის გავლით უნდა იპოვონ. ორგანიზატორთა ცნობითვე, ღონისძიების მიზანი სტერეოტიპების დამსხვრევაცაა და მას, ასევე, ჰუმანიტარული დანიშნულება აქვს.