Reuters-ი რუსულ მედია გამოცემა ინტერფაქსზე დაყრნდობით წერს, რომ დღეს, 10 ოქტომბერს ყირგიზეთის უშიშროების ძალებმა ყირგიზეთის ყოფილი პრეზიდენტი, ალმაზბეკ ატამბაევი დააკავეს.

ქვეყანაში ჩატარებული საპარლამენტო არჩევნების შემდეგ გამართულ საპროტესტო აქციის დროს, დემონსტრანტები ეროვნული უსაფრთხოების ნაციონალური კომიტეტის წინ შეიკრიბნენ და მოლაპარაკებების შემდეგ, ატამბაევის გათავისუფლება მოახერხეს. მას კორუფციის ბრალდებით 11 წელი ჰქონდა მისჯილი.

ყირგიზეთში საპარლამენტო არჩევნების შემდეგ, 5 ოქტომბერს, დედაქალაქ ბიშკეკში ხალხი ქუჩაში გამოვიდა. ისინი საპარლამენტო არჩევნების შედეგებს აპროტესტებდნენ. ადგილობრივმა მილიციამ კი დემონსტრანტები ძალის გამოყენებით — ცრემლსადენი გაზითა და წყლის ჭავლით დაშალა.

მოქალაქეების პროტესტის შემდეგ კი, 6 ოქტომბერს, ყირგიზეთის ცენტრალურმა საარჩევნო კომისიამ 4 ოქტომბრის საპარლამენტო არჩევნების შედეგები გააუქმა, რითაც ათასობით დემონსტრანტის მოთხოვნა დაკმაყოფილდა.