ერთიანმა ნაციონალურმა მოძრაობამ ჩანაწერი გაავრცელა, სადაც ოცნების აგიტატორი ამომრჩეველზე და მასზე, როგორც აგიტატორზე ზეწოლაზე საუბრობს. ამის შსახებ ენმ-ის ერთ-ერთმა ლიდერმა, ლევან ხაბეიშვილმა ბრიფინგზე ისაუბრა.

"ჩვენ გვაქვს მოთხოვნა, სამგორის რაიონის საარჩევნო შტაბის ხელმძღვანელი რევაზ სოხაძე პასუხისგებაში იქნას მიცემული. ის შტაბის წარმომადეგნელს აიძულებს, მიიტანონ ხალხის სია. კონკრეტული ადამიანი ყვება, როგორ მოხდა საჯარო პირებზე ადამიანებზე ზეწოლა და ნების შეცვლა", — განაცხადა ლევან ხაბეიშვილმა.

ენმ-ის მიერ გავრცელებულ ვიდეოში, რომლის ათენტურობაც გადამოწმებული ან დადასტურებული არ არის, მათივე თქმით, ისმის ოცნების აგიტატორი ქალისა და არიდეტიფიცირებული პირის ხმა.

ოცნების აგიტატორი: თუ ვინმე მცნობს, მეუბნება, ვისაც აძლევს ხმას, თუ არა და, ყველა იძახის, არ გადამიწყვეტია. მე თოფით მადგანან, რომ უნდა ამოვიღო ხმები. აგრესიულად არავინ არაა განწყობილი, მაგრამ [მეუბნებიან] ეგ ჩვენ ვიცით, ვის მივცემთ ხმას. რო მიმაქვს ასეთი პასუხები, [შტაბში] მეუბნებიან — არა, როგორმე უნდა ამოქაჩო, ვის აძლევს ხმას.

პირი: გეხვეწები, რას გეუბნებიან.

ოცნებს აგიტატორი: წინაზე რომ დაითვალეს, ძაან ცუდი სიტუაციაა. მერე ამოკრიფეს სამთავრობო სამსახურებში ვინც მუშაობს. ახლა გადმოვცეს მათი სია და მერე თუ კიდე სხვა პარტიის ხმა მივა, მივიდნენ სამსახურში და დაამუშაონ. ჩემს კორპუსში იყო ერთი ოჯახი, რამდენი მივედი, მეუბნებოდნენ, სხვა პარტიას ვაძლევ ხმასო. გუშინ რომ მივედი, 41მითხრეს. ალბათ, მიუგზავნეს სამსახურში ვიღაცა.

პირი: შეიძლება, ისე გითხრეს, უბრალოდ.

ოცნების აგიტატორი: მაგიც არ არის გამორიცხული, მსჯელობდნენ თვითონაც.

პირი: ახლა დიდი 41 რომ დავაწერო, ვინ რას გაიგებს, იქ [არჩევნებზე] რას ვიზამ.

ოცნების აგიტატორი: ჩენ მაგასაც ვხვდებით, იქ ვინ რას გააკეთებსო. თუ გინდათ, ამოგიღებთო. ამათ უნდათ, რომ წინასწარ რა სიტუაცია ექნებათ [იცოდნენ], რომ მერე ისე იმუშაონ ხალხზე. ტელეფონის ნომერი მინდა და მერე იცი, რას ვშვრები, მერე მე ვუდგები თავდებში, რომ აი, ამან 41 მითხრა და აუცილებლად მოვა შემოხაზავს 41-ს. ორი თვე ხელფასი არ მომცეს, ისე ვიარე. ჩემმა ნამუსმა არ მიქნა, რომ მივაყარო და წამოვიდე.

პირი: ალალად გეუბნები, შენც არ მისცე ხმა. 2012 წელში ნაციონალებს თავისმა აგიტატორებმაც არ მისცეს ხმა. იმიტომ, რომ ხალხს, რომ აღარ უნდა, უკვე გადაწყვეტილი რომ აქვს...ეგრე არ არის, რა.

ხაბეიშვილის განცხადებით, აგიტატორებმა სამგორის რაიონული შტაბიდან მიიღეს დავალება, რომ მიიტანონ სიები, სადაც ადამიანები სამსაუხრების მიხედვით იქნებიან აღნიშნული იმისთვის, რომ სამსახურებში ადამიანები დააშანტაჟონ, დაემქურონ და ხმა მიაცემინონ ქართული ოცნებისთვის.