Netflix-მა ახლახან ჰენრი კავილის გერალტ რივიელის პირველი ფოტოები გაავრცელა მხედვარის (The Witcher) მეორე სეზონიდან.

როგორც ჩანს, მეორე სეზონისთვის გერალტი ახალ აბჯარში შეიმოსა. სერიალზე ამჟამად მუშაობა მიმდინარეობს მას შემდეგ, რაც დიდ ბრიტანეთში გადაღებები კორონავირუსის პანდემიის გამო მარტში შეწყდა.

"ახალი აბჯარი, იგივე მხედვარი", — განაცხადა Netflix-მა ტვიტერზე და პოსტს ორი ფოტოც დაურთო, რომლებიც მხედვარის დიდ ონლაინ-ფანდომს ნამდვილად გამოაცოცხლებს.

სერიალის მეორე სეზონის მოკლე მიმოხილვა ასეთია:

იმაში დარწმუნებული, რომ იენიფერი სოდენის ბრძოლაში დაიღუპა, გერალტ რივიელს პრინცესა ცირილა მისი აზრით ყველაზე უსაფრთხო ადგილას მიჰყავს — მისი ბავშვობის სახლში, კაერ-მორჰენში.
სანამ კონტინენტის მეფეები, ელფები, ადამიანები და დემონები მის კედლებს გარეთ უზენაესობის მოპოვებას ცდილობენ, გერალტმა ცირილა ბევრად უფრო დიდი საფრთხისგან უნდა დაიცვას: იმ იდუმალი ძალისგან, რომელიც გოგონაში ბუდობს.

მანამ კი, სანამ ახალი სეზონი გამოვა, უფრო ახლოდან შეავლეთ თვალი გერალტის ახალ აბჯარს:

ფოტო: Netflix

ფოტო: Netflix