მთავარი არხის მიერ დაკვეთილი IPSOS-ის კვლევის მიხედვით, მომდევნო კვირას რომ არჩევნები გაიმართოს, გამოკითხულთა 24,5% ქართულ ოცნებას მისცემდა ხმას, 17,4% —ერთიან ნაციონალურ მოძრაობას, 6,9% კი ევროპულ საქართველოს. რაც შეეხება გადაუწყვეტელ ამომრჩეველს, მათი რიცხვი გამოკითხულთა 19%-ს შეადგენს.

დანარჩენ პარტიებზე შედეგები ასე გადანაწილდა:

  • ლელო — 3,6%;
  • სტრატეგია აღმაშენებელი — 3,4%;
  • ლეიბორისტული პარტია — 1,9%;
  • გირჩი — 1,8;
  • პატრიოტთა ალიანსი — 1,7%;
  • ერთიანი საქართველო — 1%;
  • მოქალაქეები — 1%;
  • სხვა პარტიები — 3,8%.

ფოტო: MTAV

IPSOS-მა კვლევა მთავარი არხის დაკვეთით ჩაატარა. არხის ინფორმაციით, კვლევა 23 სექტემბრისა 1 ოქტომბერის შუალედში ჩატარდა. საქართველოს მასშტაბით სულ 1500 18+ ასაკის რესპონდენტი, სტრატიფიცირებული შემთხვევით შერჩევით, პირისპირ ინტერვიუს გზით გამოიკითხა. ცდომილების ფარგლები +-2,5%-ია.