ქობულეთში სამშენებლო ამწის ჩამოვარდნის შედეგად ერთი მუშა დაშავდა. ინფორმაცია On.ge-ის შინაგან საქმეთა სამინისტროში დაუდასტურეს.

არსებული ინფორმაციით, დაშავებული მუშა გადაყვანილია ბათუმის კლინიკაში.

შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 240-ე მუხლით დაიწყო, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს.