პრეზიდენტად არჩეული დონალდ ტრამპი პირველ კომენტარს აკეთებს აშშ-ს მიერ რუსეთის მიმართ დაწესებულ სანქციებსა და კრემლის პასუხზე.

"ყოჩაღ პუტინს გადავადებისთვის, ყოველთვის ვიცოდი, რომ ის ძალიან ჭკვიანი იყო" - დაწერა ტრამპმა ტვიტერზე. ის ამჟამად ფლორიდაში საახალწლო არდადეგებზე იმყოფება.

ტრამპმა ტვიტი თავის პროფილზე აპინა, რაც ვიზიტორებს საშუალებას მისცემს პირველი სწორედ ის მესიჯი დაინახონ, რომელშიც ის რუსეთის პრეზიდენტს აქებს.

შეგახსენებთ, რომ ამერიკის შეერთებულმა შტატებმა, საპრეზიდენტო არჩევნებში სავარაუდო ჩარევისა და კიბერ-თავდასხმებთან შესაძლო კავშირის გამო, 35 რუსი დიპლომატი გამოაძევა. აშშ-ის სახელმწიფო დეპარტამენტმა ყველა მათგანი პერსონა ნონ-გრატად ხუთშაბათს გამოაცხადა.

აშშ-დან დიპლომატების გაძევებას კრემლი არამეგობრულ ნაბიჯს და "სამზარეულოს" დონის დიპლომატიას უწოდებს, ბარაკ ობამას და მის ადმინისტრაციას კი გადაწყვეტილებისთვის აკრიტიკებს.

"ჩვენ ამერიკელ დიპლომატებს რუსეთში პრობლემებს არ შევუქმნით" - წერია კრემლის განცხადებაში.