"თენგიზ ცერცვაძეს არც არასდროს ჰქონია სურვილი, ყოველი შემთხვევისთვის, ამ მოწვევის პარლამენტში მოხვედრილიყო პარლამენტში და თუნდაც დაეკავებინა პარლამენტის თავმჯდომარის თანამდებობა", — ასე პასუხობს ინფექციური საავადმყოფოს პრესსამსახური კითხვას ცენტრის დირექტორის, თენგიზ ცერცვაძის შესახებ. ჟურნალისტები დაინტერესდნენ ტოვებდა თუ არა ცერცვაძე თანამდებობას იმის გამო, რომ ქართული ოცნების პარტიულ სიაში არ მოხვდა.

მისივე თქმით, ინფექციური საავადმყოფოს დირექტორი თანამდებობას არ ტოვებს და მას სამომავლო გეგმები აქვს. ჟურნალისტების კითხვაზე, გადაიფიქრა თუ არა ცერცვაძემ მას შემდეგ, რაც პრემიერმინისტრს შეხვდა, პრესსამსახური პასუხობს, რომ მსგავს შეხვედრაზე ინფორმაცია არ აქვს.

"ვერც დაგიდასტურებთ და ვერც უარვყოფთ", — განაცხადა მან და აღნიშნა, რომ ცერცვაძე რჩება ქართული ოცნების ერთგულ გულშემატკივრად

თენგიზ ცერცვაძის გადადგომის შესახებ ინფორმაცია დღეს მედიამ გაავრცელა. სავარაუდო მიზეზად ჯანდაცვის მინისტრთან ცერცვაძის დაპირისპირება სახელდებოდა.